skip to Main Content
Varikoz xəstəliyindən qurtularaq sağlam ayaqlara sahib ola bilərsiniz.

Ayaqlarda varikoz genişlənmiş damarların simptomları

varikoz genişlənmiş damarların simptomları

Ayaqlarda varikoz xəstəliyi tez-tez rast gəlinir. Varikoz xəstəliyi həm qadınlara, həm də kişilərə təsir göstərir. Buna baxmayaraq, qadınlarda bu xəstəliyin inkişaf etmə ehtimalı daha çoxdur.

Varikoz xəstəliyinin əlamətləri hansılardır?

Aşağı ətraf varikoz genişlənmiş damarları özünü xoşagəlməz simptomlar ilə göstərən bir xəstəlik sayılır. Xəstəliyin inkişafının başlanğıcında pasiyentlər ayaqlarında qeyri-adi yorğunluq hiss edə bilərlər. Vərdiş olunmuş gündəlik məşğuliyyətdən sonra axşam saatlarında ayaqlarda yorğunluq və ağırlıq hissi əmələ gəlir. Bu əlamət aşağı ətraflarda qan durgunluğunun olmasını göstərir. Varikoz genişlənmiş damarların inkişafında növbəti mərhələ bədəndə ağırlıq və şişkinlik şikayətlərinin əmələ gəlməsidir. Axşam saatlarında ayaqların ağırlığı və şişməsi genişlənmiş damarların inkişaf etməsinin göstəricisi hesab edilir. Şişkinlik ayaqlarda qan dövranının pozulmasına dair sübutdur. Ümumiyyətlə, şişkinlik görünüşü ilə yanaşı, dəri rəngi də dəyişir. Ayaqların dərisi solğun olur, genişlənmiş damarlar və kapilyarlar dəri səthində görünə bilir. Bundan əlavə, pasiyent ayaqları isti və ya soyuq kimi də hiss edə bilər. Bu aşağı ətraflarda qan axınının pozulması ilə bağlıdır.

Bu simptomlara gecə krampları da əlavə edə bilər. Varikoz damarlarda kramp hər zaman inkişaf etmir. Krampların yalnız genişlənmiş damarların bir təzahürü ola biləcəyinə inanılır. Əslində, bu heç də belə deyil. Bir çox xəstəlik kramplara səbəb ola bilər. Məsələn, vitamin çatışmazlığı. Orqanizmdə kalsiumun çatışmazlığı yarandıqda, aşağı ətraflarda periodik olaraq spazmalar müşahidə edilə bilər. Buna görə də, ayaqlarda bu kimi şikayət varsa, səbəbi müəyyən etmək üçün mütəxəssis ilə əlaqə saxlamaq məsləhət görülür. Həkimin təyin etdiyi müalicə metoduna riayət etmək lazımdır. Ancaq bəzi pasiyentlər müxtəlif səbəblərdən təyin olunmuş müalicəni rədd edirlər. Bu qədər məlumatlara baxmayaraq, insanlar varikoz xəstəliyini yalnız gel və məlhəmlərin köməyi ilə müalicə etmək istəyirlər. Lakin bu, əhəmiyyətli bir üsul deyildir.

Genişlənmiş damarların müalicəsi necə aparılır?

Həkim tərəfindən bütün pasiyentlər üçün fərdi olaraq seçilən kompleks bir terapiya tələb olunur. Ümumiyyətlə, kompleks müalicə kompressiya trikotajını, dərman terapiyasını və lazım olduqda genişlənmiş damarların cərrahiyyə üsulu ilə çıxarılmasını təklif edə bilər. Varikoz xəstəliyi üçün olan əməliyyatlara yaş həddi yoxdur və qısa müddətdə bərpa müddətinə malikdir. Yaxşı ki, qan axının əksəriyyəti ayaqların dərin damarlarından keçir. Buna görə də səthi varikoz genişlənmiş damarların çıxarılması qan dövranının pozulmasına səbəb olmur.

Yazını paylaş

Ən çox oxunanlar

Sualınız var?

Whatsapp vasitəsilə ən son yeniliklərdən xəbərdar olun

Back To Top